Tuesday, August 27, 2019

thumbnail

Pantun Minang Gombal

Ads
Pantun Minang Gombal

Pai bajalan ka talago
Talago indah punyo kito
Denai di siko manjago
Di sinan jo nan lain uda bacinto

Operasi plastik di tapi talago,
operasinyo manyalang pitih ajo,
Carito urang usah di danga juo,
cinto uda hanyo adiak sajo

Pai manciang k tapi talago,
Ikannyo banyak bauru-uru,
Denai tapaso mode iko,
Dek ulah urg tuo adiak indak katuju..

Jalan luruih ka Pakanbaru
Sabalun tu, singgah ka Talago
Walaupun putuih, adiak ndak akan cari nan baru
Cinto iko akan tetap adiak jago

Kosong lapan duo satu
Ampek limo lapan sambilan
Alah lamo dek menunggu
Indak kunjuang ado kepastian

Jikalau ingin marubah iduik
Ancak pai ka ibukota
Lah muka bantuak cik tasapik
Pakai lho badusta-dusta

Jalan luruih ka Pakanbaru
Singgah katalago untuak baranang
Alah putuih cari se nan baru
Mati 1 tumbuah 1000 sayang

Handuak dibaok mandi ka talago
Mandi basamo basanang hati
Kok iyo adiak ka jadi gadih tuo
Jan sampai manyasa nanti

Pai mandi-mandi ka talago
Mandi batimbo sampai patang
Kok niat dihati hanyo kasinggah sajo
Tolonglah jan dibuek sayang

Ka talago jalan mamanjek
Kok turun bagantuang jo tali
Bukan sayang nan denai buek buek
Raso ko tulus tumbuah dari hati

Mandaki gunuang singgalang
Pai mancaliak talago dewi
Oi nasib nan sungguah malang
Uda kironyo alah babini

Pai ka pasa mambali kuini
Untuak dimakan di tapi talago
Iyolah malang nasib den kini
Badakek an lai bapastian tido

Sore sore mancaliak langik
Di bae bajalan di tapi talago
Kini den tau baharok tu sakik
Carito lamo jan di ungkik juo

Mandi mandi di dalam talago,
Talagonyo dalam banyak ikan,
Bukannyo denai hanyo singgah sajo,
Tapi keadaan nan alun maizinkan.

Pai mandi-mandi ka talago
Mandi batimbo sampai patang
Ndak do niaik ka singgah sajo
Uda lai sabana sayang

Mandi di talago sabana sero,
Mandi nyo sambia mancari lokan,
Bukan denai malawan raso,
Tapi apo dayo kito sapsukuan

Bajalan-jalan ditapi talago
Sambia mambao sambalado
Bialah kini manjomblo
Asalkan jan salamonyo

Talago minang namo rumah makan,
Samba lado badanyo tasabuik padeh,
Manolah anak cucuang kamanakan,
Usah tarimo berita nan indak jaleh.

Talago minang namo rumah makan,
Samba lado badanyo tasabuik padeh,
Manolah anak cucuang kamanakan,
Usah tarimo berita nan indak jaleh.

Mencuci baju jan di talago
Hilang janiah aia karanonyo
Jikok uda iyo sabana cinto
Denai nanti malam kini ko

Mancuci baju jan di talago
Hilang janiah aia karanonyo
Iyo bana uda sabana cinto
Baralek kito diak minggu muko ads

Subscribe by Email

Follow Updates Articles from This Blog via Email

No Comments